Posts
ايه الظلم ده!!! و هو ازدراء الأديان ده عالإسلام بس؟ ماحنا ياما بنتبهدل و محدش يتتهز له شعره! 3 سنين لولد عنده 17 سنة!! ربنا اللي انتوا فاكرين نفسكوا بتدافعوا عنه عارف ياخد حقه كويس...و ميرضاش بتضييع مستقبل ولد زي كده...اهي دي نوعية الأخبار ...اللي تفور الدم..طب و أصحابه اللي يا حرام زعلزا بسبب تريقته و قلة أدبه و حرقوله البيت بتاعه؟ سقفنالهم صح؟ بنعلم ايه بس بنعلم ايه! يعني اللي عمله آه اعتداء فكري لكن اللي هما عملوه اعتداء حقيقي و فعلي! مش عارفة أقول ايه بس...
طب معلش و كمية الشتايم اللي طلعت بعد وفاة البابا و مش بس التريقة لأ شتايم وحشة علي كل فيديو أو صورة تتحط للبابا...ها؟ مش ازدراء للأديان ده؟ لما تحاكموا اللي شتمونا و قتلونا و حرقولنا كنايسنا ابقوا حاكموا الولد الأهبل اللي شتم...و ادوله إعدام لو عايزين! أنا مش بحب أتكلم بعنصرية كده و عمري ما كان عندي عقدة الاضطهاد...لكن برده احكموا بالعقل..يالمنطق..بالعدل اللي المفروض ندافع عنه..
No comments:
Post a Comment